Zamboanga: Dos suspechao personas arestao na campanya contra droga ilegal na Barangay Tugbungan

0
0

Ya aresta con dos suspechao personas anoche el maga personajes del Police Station 6, na un campanya contra droga illegal, na Sitio Barigon Barangay Tugbungan este ciudad.

Visit RPN DXXX Zamboanga

El maga otoridad ya nombra con el suspechao como si Marjin Abdulmajid Apdali alias “Mar”, treynta’y anyos el edad, kasao y residente de Barangay Mariki. Mientras con su compañero ya identifica como si Al-kharim Ong Antao, alias “AI” treynta’y sinco anios el edad, kasao y residente de Purok 12, Flamingo Village, Barangay Upper Calarian, Este ciudad.

Maga pulis ya puede confisca na possecion del dos suspechao, dos pedaso de cien peso como marcao sen y dies pedaso sachet que ta contene alegao shabu, tiene asigun pesadez de un gramo. Asigun, Seis mil ocho cientos de pesos el de este se llama market value. Dos también KIMBER CAL.45 que tiene serial no.1163182, un ammunition, inluwido magazines, cuatro maga bala y un AMSCOR CAL.45 con serial no.1163182 que tan contene un ammunition, magazine que tiene seis maga bala.

El maga arestao suspechao detenido ahora na Police Station 6 y Esperansao planta el autoridad caso con Abdulmajid y Ong por el violacion del R.A. 9165 o el Comprehensive Dangerous Drugs Act of 2002 y illegal possecion of fire arms and ammunition. (April Boy Regino)

LEAVE A REPLY

Please enter your comment!
Please enter your name here