29.5 C
Manila
Friday, March 29, 2024

Zamboanga: Dos motorsiclo ya man banga-an na Zamboanga Sibugay; uno muerto, uno irido

- Advertisement -

Un motorista ya muri myentras otro uno ya iri na accidente vehicular entre dos motorsiclo na provincia del Zamboanga Sibugay.

Visit RPN DXXX Zamboanga

Si Coronel Albert Larubis, Zamboanga Sibugay police director, ya nombra con el muerto como si Joseph Sumadlayon, cuarenta’y cuatro años y el irido como si Flory Fe Putis, cuarenta’y tres años el edad.

Asegun con Larubis cay el accidente ya ocuri maga alas tres del Miyercoles tarde alla na Purok Tres, Barangay Esperanza, Olutanga, Zamboanga Sibugay.

Asegun con Larubis cay base na investigacion, el dos motorsiclo ta vaija na direccion opuesta (opposite direction) y ya man bangga na un curvada despues que ya rebala na mano de Putis el manibela y ya crosa para na otro lao del camino.

Si Larubis ya habla cay con Sumadlayon, quien ya sufri grabe irida na cabesa, ya declara el doctor muerto cuando ya llega na hospital.

Si Putis ta esta admitido na hospital para el curada medical. (Bong Garcia, Jr.)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -