Zamboanga: Dos irido na incidente de tiro na ciudad de Lamitan

0
0

Un madre de familya y su un anio hija ya iri myentras librao el padre de familya na un incidente de tiro na ciudad del Lamitan na provincia de Basilan.

El pulisiya ya nombra con el maga victima como si Sarah Bonifacio-Abing, veinte sinco anios, y su un anio hija, si Fajila.

Asegun con na investigacion del pulisiya cay el maga victima y el esposo de Sarah, si Hamud, veinte siete anios el edad, sintao sila na un tienda na canto’y camino na Barangay Parangbasak, ciudad de Lamitan, cuando derepente dos desconosido personas muntao na motor el ya aparece y ya sopla canila de tiro maga alas dies y media Lunes aga.

Con Sarah y su hija ya lleva na hospital para el curada medical myentras el maga suspechao ensguidas tamen ya escapa.

Asegun con pulisiya cay el incident relatao na playto entre el familya de Indanan contra con el familya de Bancuan y Paising na Barangay Bohebaca na municipio de Tipo-Tipo provincia de Basilan.

Maga otoridad ta ase enbuscada con el dos suspechao enbuelto na incidente del ayer aga. (Bong Garcia, Jr.) (Photo Courtesy of Ronda del Basilan)

LEAVE A REPLY

Please enter your comment!
Please enter your name here