Maga personajes del Maritime police y guardia costal ya aresta dos personas y confisca smuggled cigarillo que tiene el valor de seis sientos deci-ocho pesos del Lunes na un varco na pantalan del ciudad de Dapitan, Zamboanga del Norte.
Asegun con Coronel Richard Verceles, operations chief del Area Police Command-Western Mindanao, cay con el dos arestao personas ya conose como si Silbin Basiri, veinte sinco anios y un chufer de trak y su tripulante, si Rashmer Angkaya, kinse anios el edad.
Asegun con Verceles cay canila dos ya aresta y con el maga cigarillo ya confisca maga alas dies y media del Lunes aga na un trak que ya ase munta na varco na pantalan del ciudad de Dapitan.
Asegun con Verceles cay con el maga smuggled cigarillo ya descubri el maga pulis y guardia costal cuando ya nota sila maga cahon de sigay na trak ta maneja si Basiri myentras ta inspecciona con el varco antes de larga viaja para na ciudad de Dumaguete.
Si Verceles ya habla cay el maga cahon de cigarillo ya esconde por medio de aser camada hunto con el maga cahon de sigay.
Si Verceles ya habla cay el cigarillo tiene el cantidad de seis sientos deci-ocho mil pesos. (Bong Garcia, Jr., photo courtesy of Area Police Command- Western Mindanao)