Ta continua intensifica el Departamento de Salud con el campanya del clabada de Bakuna Booster nombrao como el “PinasLakas” para dale bastante proteccion con el publico contra coronavirus disease 2019 (Dovid-19).
Del Lunes, Agosto veinte dos, maga personajes del Departamento de Salud ya ase el campanya del PinasLakas na diferente lugar na provincia del Zamboanga del Sur y Zamboanga del Norte.
Na provincia del Zamboanga del Sur, el campanya ya conduci na Barangay Daplayan na municipio de Dinas y na Barangay Kapamanok bajo el municipio del San Pablo.
Na Zamboanga del Norte, el campanya del PinasLakas ya conduci na Barangay Ramon Magsaysay na municipio de Sindangan y na municipio de Siocon.
Monton del maga residentes ya manda claba bakuna booster para el de ila omento proteccion contra Covid-19.
El objeto del PinasLakas amo para omenta el numero del maga Filipino con quien ay dale Bakuna Booster contra Covid-19 dentro el primer sien dias na administracion del Presidente Ferdinand Marcos, Hijo. (Bong Garcia, Jr.) (Photo Courtesy of Department of Health IX)