30 C
Manila
Friday, March 29, 2024

Zamboanga: Departamento de Agricultura ya distribuji setenta’y cuatro milyones de pesos ayuda na Zamboanga Sibugay

- Advertisement -

El oficina rehyonal del Departmento de Agricultura ya dale setenta’y cuatro milyones de pesos cantidad de ayuda para mejora mas el produccion de agricultura na provincia del Zamboanga Sibugay.

Visit RPN DXXX Zamboanga

El Ejecutivo Director Rehyonal Rad Donn Cedeño ya habla cay el maga beneficiaryo del ayuda, que ya dale del Biyernes, ta incluwi el govierno provincial de Zamboanga Sibugay, maga municipio del Ipil, Talusan, y Mabuhay, y veinte dos cooperativas y asosasiones de maga simebrador.

El maga cooperativas y asosasiones de maga siembrador ya recivi maga makina, arimienta, truck, y maga manok y baka hasta maga medicina de veterinaryo.

El govierno provincial del Zamboanga Sibugay ya recivi un vehiculo desde’l Departamento de Agricultura y con el suporta tamen del oficina del Senadora Imee Marcos.

El maga municipio del Talusan y Ipil ya recivi dos milyones de pesos cada uno myentras el municipio del Mabuhay ya recivi dos punto sinco milyones de pesos para el suporta de livestock.

El municipio del Mabuhay ya recivi omento tres punto uno milyones de pesos para con construccion del Agri-Fishery Trading Post del municipio.

El Philippine Center for Postharvest Development and Mechanization (PhilMech), hunto con el Departamento de Agricultura, ya dale tamen maga makina con sinco maga cooperativas de siembrador y de irigasion myentras el Philippine Rice Research Institute (PhilRice) ya aloca treynta’y cuatro mil nueve sientos pesos valor de similia para con el govierno provincial del Zamboanga Sibugay.

Si Cedeño ya habla cay ta continua dale ayuda el de ila agencia con maga sembrador especialmente esta tiempo ta suporta tamen para govierno local.

Ya pidi si Cedeño para no usa con maga vehiculo y makina para el interes personal sino usa para lleba con maga producto agricultural na mercao publico.

Ya ase tamen acorda si Cedeño com maga asosasiones y cooperativas de siembrador para no impone caro arkiler si tiene quien ay arkila con el maga makina ya dale canila.

Myentrastanto, el Governadora Ann Hofer del provincial de Zamboanga Sibugay ya expresa su enhusiasmo cay ta mira le cay el ayuda ya dale el Departamento de Agricultura hinde lang ay beneficia el maga siembrador sino hasta el comunidad tambien del provincia.

El Senadora Cynthia Villar, quein ta encabesa con el Senate Committee for Agriculture and Food, pormedio del un video message durante el distribusion del maga ayuda, ya expresa tamen su suporta con el maga siembrador del Zamboanga Sibugay. (Bong Garcia, Jr., photo courtesy of Department of Agriculture- Zamboanga Peninsula)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -