31.9 C
Manila
Thursday, March 28, 2024

Zamboanga: Cuatro arestao, uno punto seis milyones de pesos smuggled cigarillo ya confisca

- Advertisement -

Cuatro personas el arestao myentras mas o menos uno punto seis milyones de pesos cantidad de smuggled cigarillo el ya confisca maga pulis y personajes de Buro de Aduana Miyerkoles aga serka na isla de Manalipa, este ciudad.

Visit RPN DXXX Zamboanga

Si Coronel Alexander Lorenzo, Zamboanga City Police Office director, ya nombra con el maga arestao personas como canda Julhasim Said, Albaser Said, Akramin Tarawi, y si Rahim Said.

Asegun con Lorenzo ta man patrulya el grupo del pulisiya y Buro de Aduana cuando ya columbra sila y ya ase para, para inspeciona con un jungkong ta navega serka na isla de Manalipa.

Durante el inspeccion, asegun con Lorenzo cay ya descubri maga pulis y personajes de Buro de Aduana cay ta contene cuarenta’y tres cahon y noventa’y cuatro pakete de cigarillo sin documento que tiene el valor de uno punto seis milyones de pesos.

Si Lorenzo ya habla cay el maga cigarillo estaba na Jolo, Sulu and para lleba na Ipil, Zamboanga Sibugay.

Con maga arestao personas, el jungkong, y maga cigarillo ya entrega na custodiya del Buro de Aduana para el propio disposision. (Bong Garcia, Jr., photo courtesy of Zamboanga City Police Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -