33.8 C
Manila
Friday, March 29, 2024

Zamboanga: CIDG ya aresta un persona na campanya contra juego illegal

- Advertisement -

Maga operativas del Criminal Investigation and Detection Group (CIDG) ya aresta con un persona durante el campanya contra juego ilegal na provincia del Zamboanga del Sur.

Visit RPN DXXX Zamboanga

Si Coronel John Francis Encinareal, el hefe del CIDG na rehyon, ya nombra con el arestao suspechao como si Ramilo Saniel, sincuenta’y tres años el edad y residente del Purok 6, Barangay Guripan, Mahayag, Zamboanga del Sur.

Asegun con Encinareal cay con Saniel ya aresta durante el campanya contra juego ilegal, nombrao como el “Oplan Bolilyo”, maga alas ocho veinte del lunes denoche na Purok 6, Barangay Guripan.

Asegun con Encinareal cay con Saniel ya cuji na acto ta colecta tayada del un juego ilegal.

Si Encinareal ya habla cay ya puede recubri na posesion de Saneil cuatro mil siete sientos setenta dinero de tayada y maga cosas ta usa na juego ilegal.

Con Saniel ya lleba para na oficina del CIDG na provincia del Zamboanga del Sur para el documentacion y propio disposision. (Bong Garcia, Jr., photo courtesy of Criminal Investigation and Detection Group IX)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -