Ya sirvi orden de aresto con un preso na calaboso del Basilan por el asunto nueve cuenta asunto de matansa base na orden del jusgado del ciudad de Isabela.
El pulisiya local ya nombra con el suspechao como si Jain Adjanal, treynta’y siete anios el edad un siembrador y nativo de Barangay Basakan, Mohammad Adjul, Basilan.
Asegun con el pulisiya cay si Jain Adjanal conosido tambien como si Aroh Adjanal Jain, Jainal Adjanal, y Jainal Alam.
Con el orden de aresto contra con Adjanal ya sirvi el authoridad mga alas ocho kinse del ayer aga na calaboso del provincia de Basilan alla na ciudad de Isabela.
Asegun con el pulisiya cay si Adjanal listao como Top six most wanted person aki na Rehiyon Nueve y tiene pendiente orden de aresto sin piansa.
Presentamente si Adjanal detenido na calaboso del provincial de Basilan.
Con Adjanal ya aresta el combinao personajes del pulis, y National Bureau of Investigation. (April Boy Regino)