Marso 1, 2019 opisyal nang gibuksan ang Womens Month Celebration nga may temang “We make change work for women” nga gisugdan pinaagi sa usa ka motorcade ug usa ka programa sa Provincial Convention Center nga gi-atendiran sa mga kababayen-ang mga empleyado, mga focal person sa nagka-lain-laing buhatan, anaa pod ang mga hanay gikan sa AFP, mga mag-tutudlo ug uban pa. Ang maong programa gipangunahan sa Provincial Gender and Development Coordinating Council (PGADCC), inubana usab sa pag-paluyo sa kagamhanang provincial nan Surigao Del Norte sa pag-panguna ni Gov. Sol Matugas ug ang chairperson sa Committee on Gender, Women and Family Development Board Member Elizabeth Matugas.
Mihatag sa iyang bulawanong mensahe si Exec. Dir. Ann Angala sa Hemophilia Foundation of the Philippines nga usa ka survivor sa domestic violence halos sulod sa 19 ka tuig. Gisaysay niini ang gi-agihang kasakit nga gibuhat nga pag-abusar ug pag-dagmal sa iyang bana atubangan mismo sa iyang anak hangtod sa miabot ang panahon nga wala na niya makaya ug siya nagpalayo uban sa tabang sa iyang suod nga higala.
Mipa-ambit usad sa iyang mensahe ang Asst. Schools Division Superintendent DepEd – Surigao Del Norte Division Dr. Laila Danaque nga gi-pasabot niini ang ka-bililhon sa Gender And Development nga dili lamang para sa mga kababayen-an kun dili alang na sa tanan nga mamahimong patas ug balanse ang katungod sa matag usa.