Davao City– Kantidad sa 42 milyones ka pesos ang gigahing pundo sa lokal nga Kagamhanan sa dakbayan sa Davao alang sa gitakda nga tinuig nga Pasko Fiesta sa syudad nga dunay konsepto ug programa nga Winter Wonderland.
Sumala pa ni Davao City Tourism Chief Generose Tecson atol sa gihimong I-Speak Media Forum nga anaa na sa 75 porsiento nga andam ang lokal nga Kagamhanan alang sa tinuig nga Kapiyestahan sa syudad. Dugang pa niini nga mamahimong Makita ang kinatibuk-ang konsepto sa Programa ug Aktibidad sa website sa lokal nga Kagamhanan.
“The theme po this year is Winter Wonderland. The decorations would be leaning towards yung mga snowman, snowflakes, and color patterns are monochromatic from blue to white,” Sumala pa ni Tecson
Atol sa Forum gipresenta ni Tecson sa mga sakop sa Media ang kinatibuk-ang listahan sa mga aktibidad sa Pasko Fiesta nga din ang labing bag-o niiini mao ang Pasko Fiesta Salu-Salo nga magsugod sa Nobyembre 30 ngadtu na sa Disyembre 2, 7 ngadtu sa 9, 14 ngadtu sa 16, 21 ngadtu sa 23 ug 28 ngadtu na sa 30 nga abli gikan alas 5 sa hapon ngadtu na sa alas Dose sa tungang gabii.
Dugang pa sa nakahan-ay nga programa ang “Sayaw sa Pasko Fiesta Dance Competition” nga pagahimuon sa December 1 gikan alas 4 sa hapon ngadtu na sa alas 8 sa kagab ihon. Sama usab sa una nang gihimo sa lokal nga Kagamhanan, ibalik na usab ang Torotot Party nga himuon sa Disyembre 31 gikan alas 6 sa kagab-ihon ngadtu na sa alas Dose sa tungang gabii isip pagsugat sa pagsulod sa Bag-ong tuig nga himuon diha sa Rizal Park ning syudad sa Davao.
Kahinumduman nga sa nakalabayng tuig, migahin si Davao City Mayor Inday Sara Duterte ug kantidad sa 1.7 milyones ka pesos sa Pasko Fiesta alang sa 22 ka mga nakahan-ay nga aktibidad sa Pasko Fiesta nga giapilan sa Kabataan, Pribadong sector, Indigenous People, Lesbian, Gay, Bisexual and Transgender ingon man usab ang mga Senior Citizens sa syudad.