31.9 C
Manila
Thursday, March 28, 2024

Vice Mayor Casurra Mibanat Nga Dili Maka-control Ang City Health Kang Gorna Cambalon Sa Pagpanangtang Sa Barangay Health Workers

- Advertisement -

Pebrero 13, 2019 nohimo nan isa ka committee hearing an Sangguniang Panlungsod isip committee of the whole na tagdumaya ni Vice Mayor Casurra an presiding officer, kun diin tag-tratar an 2019 budget nan City Health Office sanan an hangyo na kahatagan nan prangkisa para pasahero-an an mga bajaj na klase na motorela.

Didto sa pag-tratar sa budget nan City Health Office nahisgutan an isyu sa mga Barangay Health Workers partikular sa mitunga na isab na isyu sa pag-panangtang sa serbisyo bisan way igo na basihanan. Sa paghisgot tag-admiter ni Dra. Charito Arriba an assistant City Health Officer sanan opisyal na in-charge sa mga BHW’s, na waya sija kahibayo na may nahitabo na pag-panangtang nan BHW’s kay waya mag-impormar sa ija si Mrs. Gorna Cambalon an coordinator sa BHW na ubos unta sa ija superbisyon.

Nag-react si Vice Mayor Casurra sa sitwasyon diin wayay mahimo an duha ka mga dagko na opisyal nan City Health Office si Dr. Plandano an City Health Officer sanan Dr. Arriba an Assistant City Health Officer, na ma-superbisahan si Mrs. Cambalon na matod pa nagbuot-buot sa ija kagustuhan, kapritso sanan gana na manangtang sa mapilian, marepahan na mga nag-serbisyo na Barangay Health Worker’s.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -