US Embassy umaasang mabibigyan ng due process si Maria Ressa

Umaasa ang Embahada ng Estados Unidos sa Pilipinas na mabibigyan ng due process si Rappler CEO Maria Ressa sa kinahaharap nitong kasong cyber libel.

Ayon sa US Embassy, inaasahan nilang mabilis na mareresolba ang kaso ni Ressa alinsunod sa isinasaad ng batas sa bansa.

Gayundin sa international standards sa pagbibigay ng due process.

Ang pahayag ng Amerika ay kasunod ng pagkakaaresto kay Ressa noong Miyerkules dahil sa kasong libelo na nagugat sa Wilfredo Keng kaugnay ng inilathalang artikulo ng Rappler noong 2012.

Nakalaya naman si Ressa kahapon, Huwebes matapos makapaglagak ng piyansa.