Tulo ka driver ang na-biktima sa kawat pasado alas 3:00 an takna sayo sa kabuntagon sa may Surigao West Central Elementary School, Purok-3, Brgy. San Juan dakbayan sa Surigao. Naila ang mga biktima nga sila ni Arnolfo Pacencia, 60 anyos, minyo, Gonzalo Sabanal Jr., 48 anyos, minyo ug si Jaime Virtudazo Abuton, 62 anyos, minyo ug tanan residente sa dakbayan sa Bayugan, Surigao Del Sur.
Basi sa imbestigasyon sa mga kapulisan, gibutyag nga pasado alas 3:00 an takna sa kabuntagon, Pebrero 25, 2019, namatikdan ni Jaime Abuton nga nawala na ang iyang itom nga packbag nga adunay sulod nga usa ka blue maong pants, duha ka short pants, tulo ka t-shirts, brown nga wallet nga may mga importanteng ID’s ug kwarta kantidad Php 4,000, ug usa ka Cherry mobile phone color itom. Backpack pud ang nawala usab kay Arnolfo Pacencia nga gilangkuban ug usa ka maong pants, usa ka polo shirt nga color yellow, ug usa ka sleeveless nga color green. Samtang kay Gonzalo Sabanal Jr. ang nawala mao ang wallet nga color itom ug may kwartang kantidad Php 700 ug mga ID’s.
Sa pagkakaron padayon pa ang imbestigasyon sa mga kapulisan aron sa pag-ila sa suspetsado kun mga suspetsado nga misulod ug migawas sa usa ka bintana sa maong tunghaan.