DAVAO CITY – Gatusan ka mga lumulupyo ang nakadawat sa mga serbisyo sa unang adlaw sa ikaduhang-hugna sa Oplan TABANG (TApok sa Barangay Alang sa Nanginahanglan ug Galisod) sa San Jose, Sto. Tomas, Davao del Norte. Apil sa mga lugar nga makabenepisyo sa tulo ka adlaw nga serbisyo caraban ang Sitio Talus sa San Jose, Barangay Magwawa ug Sitio Magintalunan sa Barangay New Visayas.
Tuyo sa Oplan TABANG nga mahatag ang nag-unang serbisyo sa mga lugar nga geographically-isolated and disadvantaged areas (GIDAs) aron ilang mabati ang tinuod nga pag-atiman sa gobyerno kanila. Kini ubos sa implementasyon sa atong Executive Order No. 2, nga akong gilagda aron sa pagmugna sa “Davao del Norte Local Peace Engagement Framework to end local communist armed conflict and attain lasting peace and sustainable development” sa atong lalawigan.
Ako nagtoo nga kung mahatud nato ang mga basic needs nga dugay nang gipangandoy sa atong katawhan, mao kini ang tinuod nga katumanan sa atong pangandoy nga maundang ang insurhensiya uyon sa kampanya sa atong mahal nga president Rodrigo Roa Duterte, ubos sa iyang Executive Order No. 70.
Pinaagi sa serbisyo caravan, atong gipakita nga ang katawhan ang atong tinuod nga BOSS. Ug nga kami sa gobyerno mao ang inyong solugoon nga andam kanunay sa pagtubag sa inyong mga panginahanglanon.
Lakip sa mga serbisyo nga atong gihatud ang libreng tambal, check-up, bakuna, ibot-ngipon, libreng tuli ug minor surgery ug uban pang health services, social services, legal, engineering, crops & fisheries, animal health & livestock, disaster preparedness, sports & youth development, livelihood opportunities, ug apil ang mga serbisyo sa LTO, PSA, TESDA, PNP, AFP ug daghang pang uban.
Mapasalamaton ako sa pakigduyog ug suporta nila DILG Provincial Director Abito Bernasor, Vice Gov. Rey Uy, Board Member Janet Tanong-Maboloc, BM Franklin Gentiles, BM Daniel Lu, Mayor Ernesto Evangelista, San Jose Barangay Captain Eulogio Andoyo, Magwawa Brgy. Captain Arnolfo Generosa, mga department heads sa Kapitolyo sa panguna ni Engr. Josie Jean Rabanos, ug uban pa.