Traysikad Driver Taga-Alabel Gipasidunggan Sa Pag-Uli Sa Gamit Sa Pasahero; Tribal Village Sa Malungon Nakadawat Pu’g Award

Traysikad Driver Taga-Alabel Gipasidunggan Sa Pag-Uli Sa Gamit Sa Pasahero; Tribal Village Sa Malungon Nakadawat Pu’g Award

by RPN
103 views

SARANGANI PROVINCE— Dako ang pagpasalamat og dili makatuo si Manong Fernando Comaling, singkwentay-dos (52) anyos, traysikad driver taga-Barangay Bagacay, Alabel Sarangani Province, nga matagaan pag pasidungog sa Kapitolyo sa Sarangani ang gibuhat niini nga pag-uli sa gamit sa pasahero.S

a flag raising ceremony sa Kapitolyo niaging adlaw nga Lunes, tumang kalipay ni Comaling tungod kay gawas nga gitagaan kinig certificate of appreciation ni Governor Steve Chiongbian Solon kauban sila Provincial Administrator Mariter Sayson, HRMO Head Sittiehawa Marohomsalic og Provincial Administrator for Operation Engineer Gerald Faciol, natagaan pa kinig pahalipay nga cash gikan sa Gobernador.

Bisan nga mas dako pa ang cash-pahalipay nga gihatag kaniya kaysa sa unod sa pitaka nga iyang nakita sulod sa iyang traysikad inubanan sa mga pirtininting papeles sa taga-Alabel, ang buot ipaabot nga mensahe ni Governor Solon mao nga magamay man o madako ang makit-ang gamit, ang importante nga honest og ligdong sa matag adlaw nga panginabuhi kay ang Ginoo na ang bahalang mubalos.

Sa kasamtangan, gikalingawan ni Comaling ang pagka-construction worker para tugbangan ang iyang pangita sa pagpamasada.Samtang, sa pikas nga bahin, human sa nadawat bag-uhay lang nga award sa SAVER search and rescue team sa Provincial Government sa Sarangani human gideklara nga grandslam champion sa tulo (3) ka magkasunod nga tuig nga maoy Overall Number One sa tanang search and rescue team sa entiro Rehiyon Dose sa gipahigayon matag tuig sa Office of Civil Defense nga SIMEX kon Simulation Exercises and Proficiency Test, laing pasidungog napud ang naangkon sa Sarangani Province partikularminte ang Blaan tribal village museum sa Barangay Datal Tampal lungsod sa Malungon, sa pagsuporta nila Senador Manny og Congressman Ruel Pacquiao, Sangguniang Panlalawigan og LGU Malungon gipangunahan ni Mayor Tessa Constantino.

Tungod sa pag-ayuda sa Sulong Tribu program ngadto sa Lamlifew Tribal Village Museum sa Datal Tampal nga gidumalahan sa Lamlifew Tribal Women’s Association, natabangan kini sa ABS CBN Foundation nga mulambo isip kabahin sa ilang dakong proyekto nationwide sa CSR kon corporate social responsibility ilalum sa ilang programa nga Bantay Kalikasan.Sila Governor Solon og kapikas sa kinabuhi nga si Maam Michelle ang dungan nakig-isturya ni kanhing DENR Secretary Gina Lopez nga mao pay nangulo sa ABS CBN Foundation kaniadto, aron ayudahan ang Lamlifew Village Museum gikan atong tuig 2014 isip lig-on nga school of living tradition nga naka-basi sa Sarangani Province.

Ang paglambo sa Lamlifew Village Museum samtang ga-offer og nindot nga eco-cultural experience sa mga bisita na-preserba ang kulturang Blaan dungan sa pag-angkon og lig-on nga panginabuhian sa mga myembro sa asosasyon kasagaran mga kababaihang Blaan, ang giila kini sa pinakauna nga League of Corporate Foundations Guild Awards 2019 sa kauluhang Maynila, kung diin gitagaan og pasidungog ang ABS CBN Foundation, gi-deklara ang ilang entry sa Lamlifew Village Museum Eco-Cultural Experience nga maoy Outstanding CSR Project in Arts and Culture sa tibuok Pilipinas.

0 comment

Related Posts