31.9 C
Manila
Thursday, March 28, 2024

Trash To CashBack Program’ Insentibo Niadtong Ga-Segregate Sa Mga Basura Nga Magamit Pa

- Advertisement -

Pormal nang gilusad kagahapon ang ‘Trash to CashBack Program’ dinhi sa Cagayan de Oro nga magsilbing insentibo alang niadtong mga panimalay, opisina ug establisemento nga ga-segregate sa ilang mga basura nga magamit pa.

Ang programa maoy pinakauna dinhi sa Mindanao nga gilusad sa City Local Environment and Natural Resources Office ubos ni CLENRO Head Engr. Armen Cuenca, uban ni CLENRO assistant head Elvisa Mabelin, Punong Barangay Anthony Abejuela sa Barangay 1 ug mga representante sa Basic Environmental Systems and Technologies, Inc. (BEST) ug garbage collection firm sa syudad nga IPM.

Tuyo sa ‘Trash to CashBack Program’ nga mamenosan ang gidaghanon sa mga basura nga dad-on sa sanitary landfill didto sa barangay Pagalungan ning syudad.

Ang mga recyclables nga basura sama sa plastic, puthaw ug papel mahimong pabayloan sa drop off/exchange center diha sa may Gaston Park ning syudad.

Ang magpabaylo sa mga segregated recyclables makaangkon og Environmental Points nga magamit sa pagpalit og mga produkto ug serbisyo sa mga partner outlets pinaagi sa cashback loyalty online platform nga bXTRA Philippines.

Subay niini, giaghat ni Engr. Cuenca ang mga katawhan sa syudad nga batasanon ang pag-segregate sa mga basura tungod kay makatabang kini sa pagprotehir sa atong kinaiyahan, sanglit gamay nalang ang mga basura nga malabay sa landfill.

(Source: CLENRO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -