TRABAHO UG PULITIKA, MOTIBONG GINATUTUKAN SA PAGPATAY SA ANCHORMAN NGA SI ED DIZON

General Santos City— Trabaho ug pulitika ang ginatutukan karon nga angulo sa task force dizon sa pagpusil-patay sa anchorman nga si Eduardo Dizon milabay’ng semana. Sumala kang Police Lt. Col. Bernard Tayong, tigpamaba sa SITG Dizon nga anaa na sila sa tunga-atunga sa imbestigayson sa kaso ug aduna matud pa silay mga cctv footage nga gihuptan aron sa mas mapadali nga imbestigayson. Base matud pa sa pamahayag sa asawa sa biktima nga panahon pa sa eleksyon dihang nakadawat ug bahad sa kinabuhi ang nahisgutan kung asa mipapili kini isip municipal councilor.Dugang pamahayag ni Police Lt. Col. Tayong nga gawas sa pulitika, lakip sa ilahang ginatan-aw mao ang trabaho niini isip komentarista sa usa ka fm station.Sumala niya nga nahimong mainiton ang diskusyon niini sa managlahing isyu nga nagakahitabo sa Kidapawan ug ubang parte sa Mindanao hilabina sa isyu sa investment scheme. Sa karon matud pa ilaha ng ginatun-an ang kuha sa mga cctv camera duol sa lugar kung asa gipusil-patay ang biktima. Kalabot niini aduna na matud pa silay tulo ngadto na lima nga mga persons of interest sa maong krimen ug gikumpirma niya nga hangtud sa karon ana apa nagpabilin sa ilahang area of responsibilty ang mga nasangpit. Nagdumili man usab kini sa pagbutyag sa pangalan gumikan padayon pa ang ginahgimong imbestigasyon ug gipaniguro niya nga sila sa Task Group Dizon uban ang managlahing law enforcement unit, mapatubag gyud ang responsable sa maong krimen. Anaa usab ang presidential task force on media killings sa pagpanguna ni Under Secretary Joel Egco nga nagatutok sa maong kaso.