Davao City – Gidagsa sa mga ginikanan ug mga tinun-an ang City Hall Ground niadtong usa ka adlaw kini human nga subling gihimo sa lokal nga Kagamhanan ang pagpang- apod apod ug mga school supplies ngadtu sa mga tinun-an sa school year 2019- 2020.
Dili matungkad ang gibating kalipay sa mga ginikanan nga nakadawat sa libreng school supplies sanglit dili na nila kinahanglan pa nga mopalit gumikan sa kakuwang sa budget.
Nasayran nga tinuig kining ginahimo sa Lokal nga Kagamhanan ang paghatag ug mga libreng School Supplies ngadtu sa mga tinun-an una pa man magsugod ang klase sa Hunyo matag tuig.
Bugtong gihimo lamang sa mga ginikanan ang pagdala sa pipila ka mga rekisitos sama sa pagdala ug suwat nga naghangyo ug libreng school supplies, nagpakita ug pamatuod nga usa ka Indigent, Photo Copy sa school ID sa tinun-an. Ugaling kompleto na sa rekisitos, magpila na gilayon gawas sa City Hall aron makakuha sa nahisgutang mga school supplies.