29.5 C
Manila
Friday, March 29, 2024

TINOUD NGA TINGOG SA BOL PLEBISCITE GIAWHAG

- Advertisement -

CAGAYAN DE ORO CITY- Gidasig ni Regional Peace and Order Council o RPOC Chairman City Mayor Oscar Moreno ang mga botante nga ipagawas ang matuod nga hukom sa pleblisito sa unom ka lungsod sa Lanao de Norte. Kini nga pag-awhag sa Mayor gihimo tungod kay adunay mga lungsod nga lig-ong nagsuporta sa Bangsamoro Organic Law o BOL samtang adunay parte usab sa probinsya nga nagsupak.

Dugtong niini, nanghinaut usab si Mayor Moreno nga walay mahinabo nga dili maayo bisan pa sa tulo ka libong mga police ug sundalo nga gikatag sa mga lugar nga himuan sa plebisito.

Sa pikas bahin, nanawagan usab si Misamis Oriental Governor Bambi Emano ngadto sa Bangsamoro Transition Commission o BTC nga tumanon nila ang mga probisyon nga nalatid sa BOL alang sa bag-ong mugna nga Bangsamoro Autonomous Region  in Muslim Mindanao. Kini tapos angkuna ni MILF Vice Chairman Ghadzali Jaafar nga puno sa hagit ang pagpatuman niini gikan sa Kasamtangang Region in Muslim Mindanao sa ARMM.

Nabalaka ang gobernador nga hayan adunay moulbo nga problema ilabi na sa pagturn-over sa ARMM padulong sa BARMM nga pagadumalahon sa mga kadagkoan sa MILF.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -