- Advertisement -
Usa ka suspetsado sa kasong pagpatay ang naaresto sa mga operatiba sa Roxas Municipal Police Station sa iyang panimalay sa Sitio Bintonong, Barangay Canibongan, Manuel Roxas, Zamboanga del Norte.
Ang kapulisan miila sa naasoy nga naaresto nga si Joel Sumambod Bag-ot, 31 anyos, minyu, ug lumulupyo sa naasoy nga dapit.
Siya naaresto pinasikad sa warrant of arrest sa kasong Murder nga nakadokit sa kasong kriminal nga giluwatan ni Hon. Ric S. Bastasa, Presiding Judge, RTC9 Branch 8, Dipolog City nga pinetsahan kaniadtong Hulyo 19, 2018 nga walay gikarekomendang piyansa.
Ang naasoy nga suspetsado, temporaryong gibalhog karon sa Roxas MPS samtang gapadayon pa ang preliminary investigation. (Lyza Bautista)
- Advertisement -