Malampusong tagpresentar kahapon ni Mayor Pablo Yves “Paul” Dumlao II an ija executive agenda sa gipahigayong tuyo ka adlaw na workshop sanan formulation sa Executive-Legislative Agenda didto sa Park Inn sa Davao City.
Gitakdang tapuson kuman adlawa an kalihokan na giapilan sa mga piniling opisyales sa syudad sanan mga department heads.
Sumala pa ni Mayor Dumlao sa mensahe na tagpadaya sa RPN DXKS na nagpasalamat siya na well participated, proactive sanan output driven an kalihokan. Isa sa ilang resource speaker an DILG Region XI Director na si Alex C. Roldan.
An unang adlaw niadtong Agosto 8 tagrevisit an Mission, Vision sanan Goals sa matag opisina sanan an pagreport sa sitwasyon sa matag buhatan apil na an gap sa tanan mga programa, proyekto sanan mga activities na napatuman. Sa ikaduhang adlaw amo an pagpresentar sa Executive and Legislative Agenda ni Mayor Dumlao sanan ni Vice Mayor Alfonso S. Casurra. Kuman na adlaw ipahigayon na nila an workshop sanan pagtapos sa kalihokan dajon mobiyahe pauli sa Surigao City.
Present an mga konsehal sa syudad gawas kan Joseph Joey Yuipco nga nagpabilin dinhi sa Surigao City. (RPN DXKS Surigao News Team)