Naghimo na nan mga kalihokan an lokal na panggamhanan nan Surigao iban an Sangguniang Panlungsod sa pagpapaspas sa pag-abri nan Nonoc Mines sanan nan PACEMCO sumaya sa pahayag ni Mayor Paul Dumlao didto sa Sanggunuiang Panglungsod sa tagpahigayon na pag tipon nan Liga nan mga Barangay.
Tagsaysay ni Mayor Paul Dumlao na padajun an ija koordinasyon sa San Miguel Corporation para pagbalik pagdali an Nonoc Mines sanan Pacemco. Ija sab tag istorya na trabaho nija an pag hatag nan livelihood sa mga Surigaonon.
Sa pagtinabangay nan tanan makab-ot nato an kabag-ohan na dugay na tagpangandoy nan mga Surigaonon. Pantay sab an pagtagad sa tanan tawo sa siyudad kay tumong ni Mayor Dumlao na maghimo nan mga karajawan na may tsansa na maghatag nan karajawan na ikaasenso sa tanan.
(Source: Surigao City PIO Facebook page)