Surigao: Opisyal na nga tag turn-over nan DOH an duha ka units na ambulansiya na tagdonar ngadto sa city government

Opisyal na tagdawat ni outgoing City Mayor Ernesto Estong Matugas Jr. an duha ka units nan ambulansiya na ila tagpangayo sa DOH. Nagrepresentar sa DOH sa turn over kuman hapon amo si Erwin Pingal sa Provincial DOH Office.

Visit RPN DXKS Surigao

Tagsaksihan isab nila City Administrator Atty. Jerry Centro ug City Legal Officer Atty. Manuelito Delani an pagdawat sa City Government sa duha ka ambulansiya.

An isa ka unit sa ambulance mikantidad sa ₱ 1,987,000. Sumala pa ni Mayor Matugas na lima ka units an ila tag-ajo sa DOH ug nagpasalamat sija na may duha an niabot. May isa pa ka ambulansiya an ija tag-ajo sa PCSO na posibleng mahidangat sa paglingkod sa bag-ong administrasyon sa syudad. (RPN DXKS Surigao)