Lipâ nga comfort room sanan gubâ na pultahan, lipa nga palibot sa barko amo an tagpalanog na reklamo sa mga pasahero ilabina ni Kagawad Baltazar “Batang” Abian sa gihimong committee hearing kagahapong adlawa sa Sangguniang Panlungsod Committee on Transportation.
Niadtong Hulyo 16, niadto siya’g Cebu aron sa pagpacheck-up ug diha siya sakay sa COKALIONG apan grabi ang iyang kadismaya tungod kay perti kining hugawa ilabina ang comfort room nga bahin.
Dugang ni Kagawad Batang Abian nga katungod sa MARINA ang pag-inspection sa maong sakayang pandagat adesir kini mularga.
Ang representante sa Maritime Industry Authority nga si Eliel Mangubat mipasabot na ang tag-ija sa barko an dili gajud motugot nga pasagdan an kalipa sa barko.
Sugyot ni Kagawad Noel Catre Jr. nga magprovide sila ug job orders gikan sa syudad aron maoy mag mentinar sa kahinlo adesir inspectionon ang barko kada byahe ug gikauyunan kini sa tanan.
Dugang ni Kag. Batang Abian nga kon dili kini himoag aksyon sa taga COKALIONG SHIPPING Lines, modiretso na sila pagsuyat sa ila main office.
Ang maong committee hearing kagahapong adlawa kabahin sa priority project sa bag-ong administration na clean up drive.
An committee on Transportation, Communication and Utilities gipangulohan ni Kagawad Baltazar C. Abian., Vice Chairman Kag. Noel Christian G. Catre Jr. ug mga members Kag. Joenil B. Aldonza ug Kag. Joseph Joey S. Yuipco.
Present usab ang representante sa Maritime Industry Authority nga si Mr. Eliel Mangubat, COKALIONG Shipping Lines representative Ms. Luemae S. Ylanan, Freight In charge ug Mr. Michael Cajes ang Operation Incharge. (Alrose Emperado Pis-o, Ronda 39)