Sa ulahing adlaw nan pag file nan statement of contribution and expenditure kun SOCE nan mga kandidato sa probinsya nan Surigao Del norte niadtong election 2022, aduna nay 30 sa 33 ka mga kandidato ang nakaapas sa pag file nan ila mga SOCE.
Apil na nakaapas sa pagfile kahapong adlawa si governor elect Lyndon Barbers sa nacionalista party ug si Vice Governor Geed Gokiangke sa partido PDP Laban. Kahapon usab nakaapas sa pagpasa sa House of representatives sa ikaduhang distrito nga si Congressman Ace Barbers gikan sa nacionalista party usab ang iyang kaatbang nga si Lolong Larong ubos sa partido PDP Laban. Samtang si Governor Lalo Matugas mipasa sa iyang SOCE miadtong Hunyo 2 sa kasamtangang tuig uban sa House of representative sa unang distrito nga si Congressman Bingo Matugas.
Ang kaatbang usab ni Congressman Bingo nga si Lucille Sering ug si Lanilyn Pangilan kahapong adlawa usab mipasa sa ilang SOCE ngadto sa Provincial Comelec Ang pinaka una usab nga mi file sa iyang SOCE niadtong mayo 18, 2022 mao si Ambrosio Ruaya usa sa mga mikandidato pagka vice governor ug gisundan kini ni Noel Catre niadtong mayo 19 sa kasamtangang tuig.
Aduna usab 3 ka mga wala makaapas sa pagpasa nan ila SOCE sa Provl. Comelec kahapong adlaw ug mao kini sila Maquiso Artemio usa ka independente nga midagan pagka governor, Janit Nier gikan sa Nacionalista party midagan pagka board member sa unang distrito ug si Sim Castrence gikan sa partido pdp laban nga midagan usab pagka boardmember sa ikaduhang distrito.
Sumala pa ni Atty. Riza Ann Culima Constantino ang Election Supervisor nan Surigao del Norte na ang spending limit sa pagpangampanya nan mga Provincial candidate nga gikan sa political party anaa sa 1,181,688 pesos ug ang independete nga kandidato sa probinsya anaa sa 1,969,480 pesos. Sa pagkakaron wala pay gihatag ang Provl. Comelec sa eksaktong impormasyon kun pila an kwarta nga nagamit sa nakadaiyang kandidato nan probinsya nan Surigao.
Dugang pa sa Provl. Comelec mudawat gihapon sila sa mga late nga mufile sa SOCE. (April Placeros)Â