Ang Cagayan de Oro City Local Environment and Natural Resources Office (CLENRO) nag-awhag sa mga business establishments sa pagmugna sa special encounters alang sa mga namalit nga customers nga gagamit sa kaugalingon nilang bags kaysa naandan nga mga plastic bags.
Matud pa sa CLENRO, ang special lane pagatawgon nga “Green Lane” ug mahimong kabahin sa strategy aron pagdasig sa mga konsumante nga magdala sa kaugalingon nilang reusable o recyclable bag panahon sa ilang pagpamalit.
Ang Green Lane kinahanglan mabukas sa Enero 1, 2019 ang unang adlaw sa implementasyon sa plastic use regulation sa syudad.
Usa ka team CLENRO ang nagsugod na sa pagtuyok sa mga business establishment sa dakbayan sa Cagayan de Oro alang sa public awareness. Ang maong team nanghatag sa notisya nga walay business establishment nga mogamit sa plastic “sando” bags ug uban pang matang sa packaging material alang sa dry goods or cooked foods, gawas kon kini iputos sa Karne ug poultry products.
Sugod sa bulan sa Oktubre, ang city government mosugod sa pagpatuman sa plastic regulation pinaagi sa pagmando sa mga tindahan nga mogamit lamang sa plastic bags matag Miyerkules ug Biyernes.
Matud ni CLENRO Chief Armen Cuenca nga mao na unya kini ang magsilbing transition period hangtud nga hingpit na gayod nga ipatuman ang plastic use regulation sa eEnero uno, sunod tuig.
Gilauman nga kini nga lakang magdala usab sa kausaban sa kinaiya sa mga kagay-anons.