Davao City – Mokabat sa usa ka gatos (100) ka mga panimalay gikan sa unom (6) ka mga purok sa sityo Popo Barangay Inayangan sa ikatulong distrito ning syudad ang hingpit nang nabutangan ug linya sa Davao Light and Power Company kun DLPC. Ang nahisgutang proyekto inabagan sa lokal nga kagamhanan sa syudad nga dunay free-of-charge ang pagpakabit sa linya sa kuryente ang matag panimalay.
Dili pa lamang dugay gipahigayon ang ceremonial switch-on sa mismong Barangay Hall sa Inayangan, Calinan District nga gitambungan sa Executive Vice President ug COO Rodger S. Velasco sa Davao Light and Power Company, Congressman Alberto Ungab ug Barangay Captain Lilia D. Ruta. Mitambong usab sa ceremonial swith-on ang mga benepisyaryong residente sa lugar.
Sa pikas bahin, pinaagi sa Oplan In Site Application And Connection kun ISAAC, mokabat sa Bente Sais (26) ka mga bag ong aplikanti sa DLPC ang nakabaton na sa hingpit ug koneksiyon sa kuryente. Sila ni Davao Light’s Safety Department Supervisor Engr. Dado Gonzales ug Senior Engineer Engr. Charlo Deniega maoy naghatag ug safety orientation ug energy conservation tips sa mga residente aron malikayan ang bisan unsang matang sa disgrasya sa kuryente nga moresulta sa sunog ug pagtaas sa bayrunon sa kuryente.