GENERAL SANTOS CITY— GIHAGIT ni Senator Manny Pacquiao ang mga namasangil og vote buying batok sa iyang partidong People’s Champ Movement o PCM sa nakalabay’ng eleksyon.
Sumala pa sa senador nga kinahanglang mopakita og ebidensya ang mga namasangil kanila partikular na ang mga supporters sa ilang kaatabang nga pulitiko batok sa iyang mga partido nga mipapili sa probinsya sa Sarangani ug GenSan ubos sa partido.
Pasabot ni Pacquiao nga inay molabay og mga akusasyon kanila ang ilang mga kritiko mas labing maayo nga mosumite og pormal nga reklamo ug mopagawas og kongretong ebidensya aron mahatagan sila og patas nga higayon aron tubagon ang maong mga akusasyon.
Kahinumduman nga dunay reklamo sa Kiamba, Sarangani Province og vote buying ingon man dinhi sa GenSan batok sa partidong PCM.
(Photo from the Web)