Usa ka opisyal sa Cagayan de Oro City Police Office (COCPO) naghangyo sa mga supporters sa mga political parties sa syudad sa pagpabilin pagcooperate nga hapsay ang pagfile sa Certificate of Candidacy karong adlawa, Miyerkules Oktuber 17.
Matud pa ni COCPO spokesperson Supt. Mardy Hortilloso II nga nakaplastar na ang ilang seguridad ingkaso mag abot sa Commission on Elections (COMELEC) office ning deadline na sa pagsang-at sa COC. Ang mga sakop sa City Mobile Force, Mobile Patrol Unit, Explosives Ordinance Division (EOD) team ug personahe gikan sa Police Station I ang gihatagan na sa briefing sa security protocols sa pagduso sa COC.
Ang seguridad nga ilang gihimo sa poll body nagsugod pa niadtong Oktobre 11.
Samtang ang mga politiko giawhag nga motabang pagkontrolar sa ilang mga supporters, ang mga supporters usa gihangyo nga dili magpinaras sa ilang pag-uban sa mga politiko panahon sa pagsang-at sa ilang mga COC.