Niadtong Pebrero 11, 2019 usa ka Press Freedom Caravan ug 2019 Presidential Communications Operations Office Roadshow ang natigayon ug kini nag-mabulokong napahigayon sa Surigao State College of Technology.
Ubay-ubay nga mga topiko ang nahisgutan sama na sa “Safeguarding Press Freedom” na gipasabot ni Atty. Ace Agamata ang Chief of Staff PT FoMS, “Freedom On Information” nga gipasabot ni Kristian Ablan ang FOI Program Director. Gisaysay usab ang ka-importante sa papel sa media workers nga gipaabot ni Presidential Communications Secretary Martin Andanar nga matod pa dako ang ikatabang sa mga media workers sa tanang katawhan nga mapaabot gikan sa usa ka indibidwal sa usa ka ahensiya, buhatan o grupo man ang impormasoyn nga angay masayran. Gibutyag usab niini ang ka-delikado sa ginbuhaton sa mga media workers nga dapat mas e-respeto ug panalipdan kini kay matud pa mao kini ang partner sa katawhan alang na sa kalambuan.
Ang maong panagtigum gi-atendiran sa dul-an sa 200 ka mga indibidwal gikan sa mga national line agencies sama sa PNP, AFP, Customs, Provincial ug City Government ug uban pang mga buhatan. Anaa usab ang Regional Director sa PIA Caraga, RD Abner Caga, president sa SSCT Dr. Gregorio Gamboa Jr., SUC President III ug Campus Director sa SSCT Dr. Carlos H. Donoso mga magtutulod ug estudyante sa maong tulunghaan.