Sarangani Province Andam Na Sa Pag-Host Sa Sraa 2019, Deped Undersecretary Sevilla Mubisita

by RPN
0 comment
Sarangani Province Andam Na Sa Pag-Host Sa Sraa 2019, Deped Undersecretary Sevilla Mubisita

Sarangani Province— Happy Valentine’s Day sa atong tanan. Nagpaabot sa pahisubo ang Provincial Government sa Sarangani gipangunahan ni Governor Steve Chiongbian Solon sa kamatayon ni Catholic Bishop Emeritus Dinualdo Gutierrez, kanhing bishop sa Diocese of Marbel. Nabugtuan kini sa iyang kinabuhi sa edad nga setentay-nuybe (79) anyos.

Dili matugkad ang bug-os nga paghigugma ni Bishop Gutierrez sa mga taga-Sarangani Province og sa tibuok SOCSKSARGEN area sa kawsa niini nga magpabilin ang bahandi sa kinaiyahan og ang panaghiusa sa mga katawhan.

Matag February 14 mao puy kapyestahan sa mga taga-Kiamba, Sarangani Province, nagsaulog sila karon sa ika-setentay-uno (71) nga foundation anniversary og ika-kinse (15) nga Timpuyog Festival. Adunay float parade, street dancing, bancarera nga gidumalahan ni Vice Mayor Bogi Martinez, Valentine’s Ball, Balik Kiamba Night, og ang live concert nga gi-sponsoran nila Senador Manny og Congressman Ruel Pacquiao.

Nang-imbita mismo si Board Member Rosemarie Martinez-Sayo, anak ni Kiamba Mayor Raul Martinez, nga adtuan ang ilang giandam nga mga kalingawan. Una ng nagpasa og resolusyon ang Sangguniang Panlalawigan niaging bulan giduso nila Vice Governor Elmer De Peralta naghatag og katungod kang Governor Solon nga ma-download ang ayuda sa probinsya nga kapin Tunga sa Milyon ka pesos (P500k+) alang sa maong founding anniversary.

Magpabilin sa gihapon ang mga kalingawan tungod kay human sa Kiamba Anniversary, musunod gayud dayon ang pag-host sa Sarangani Province sa SRAA 2019 kon SOCCSKSARGEN Regional Athletic Association Meet ang main venue mao mismo ang lungsod sa Kiamba.

Segun ni Board Member Cornelio Martinez, Jr., ang provincial sports coordinator, andam na sila sa usa ka semana nga SRAA kung diin mismong si DepEd Undersecretary Annalyn Sevilla ang maoy keynote speaker sa grand opening program karon ng adlaw nga Dominggo, Pebrero 17, kauban sila DepEd Regional Director Allan Farnazo, Sarangani Schools Division Superintendent Crispin Soliven Jr., og ang laing walo (8) ka mga schools division superintendent sa South Cotabato, North Cotabato, Sultan Kudarat, Cotabato City, Kidapawan City, Tacurong City og Gensan.

Main venue ang Kiamba apan adunay mga dula nga ipahigayon sa Maasim og Maitum, samtang ang mga billeting centers ang nakatag pud sa tulo (3) ka munisipyo sa MaKiMa.

Gikalipay ni Board Member Martinez ang pag-ayuda sa DepEd Sarangani Division, Governor Solon nga nialokar og dakong pondo gikan sa Special Education Fund, mga principal, supervisor, sports officials, LGU Kiamba, PNP, AFP, lakip na ang mga PTA og barangay officials, kung diin ikaduha ka higayon ng nag-host ang Sarangani sa SRAA una kadtong tuig 2015.

Nanghinaot na lamang kini nga subling pamatud-an sa Team Sarangani nga sila ang magpabiling kampyon sa elementary softball og baseball, og sa mga dula nga volleyball, wrestling, arnis, table tennis og uban pa. Sa bag-uhay lang nahuman nga Batang Pinoy sa Tagum City, gold medal ang nakuha sa Sarangani Province sa taekwondo, silver sa table tennis, og bronze sa dulang baseball.

Related Posts

Leave a Comment