Cagayan de Oro City – Magtigom ang Regional Peace and Order Council O RPOC-10 aron tukion ang kahimtang sa seguridad sa Mindanao. Ang maong tigom himuon sa usa ka hotel dinhi sa Cagayan de Oro.
Matud pa ni RPOC Chairman City Mayor Oscar Moreno nga sentro sa ilang hisgutanan karon mao ang pagpatuman sa mga lakang nga mapakigbisogan kining nahitabo nga sunod-sunod nga pagpamomba sa pipila ka bahin sa pulo sa Mindanao nga hinimuan sa mga terorista.
Dugang pa, nga katuyuan sa maong panagtigom mao ang pagpakigsayod gikan sa PNP, AFP ug ubang ahensya sa gobierno kon unsa ang security measures nga gipatuman karon aron pabiling luwas ang rehiyon kontra terorismo.
Sa kasamtangan, gisiguro sa PNP ug ARP ang paghatag seguridad dinhi sa syudad pinaagi sa pagpakatag sa kapolisan ug Task Force Oro aron dili mahinabo ang pagpamomba dinhi sa syudad susama sa gidangatan sa Basilan, Sultan Kudarat, General Santos City ug North Cotabato.