27.2 C
Manila
Friday, March 29, 2024

PROVINCIAL UG DISTRICT HOSPITALS SA SUGBO MOTANYAG NA SA LIBRE NGA MEDICAL SERVICES

- Advertisement -

Mapahimuslan na gyod sa mga Sugbuanon ang libre nga medical services bisan pa man nga wala pa kapirmahi ni Presidente Rodrigo Duterte ang Universal Health Bill aron mahimo kining balaod.

Hingpit na nga gi-aprobahan sa Cebu Provincial Board ang ordinansa nga nag-amendar sa Revenue Code sa lalawigan sa Sugbo. Gumikan niini mahimong makapahimulos sa libre nga medical services sa tanang 16 ka mga provincial ug district hospitals ang mga Sugbuanon.

Gibutyag ni Provincial Board member Horacio Franco III, co-author sa nahisgutang ordinansa nga wala kinahanglana nga mopresentar pa sa usa ka certificate of indigency ang pasyente aron nga makapahimulos kini sa libre nga medical services.

Sa iyang bahin gipasabot ni Dr. Rene Catan, Cebu Provincial Health Office Head nga podyot lang ang matibhang sa income sa lalawigan bisan pa man nga libre na ang mga medical services sa nahigutang mga tambalanan.

Niadtong 2016, mokabat sa 240 milyones pesos ang income nga nahipos sa provincial government gikan sa mga provincial ug district hospitals.

Samtang ang Universal Health Care Bill nagpaabot na lang usab nga kapirmahan ni Presidente Duterte. Gilaoman sa mga magbabalaod nga mapirmahan kini ni Presidente Duterte sa dili madugay.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -