Tag-pahibayo ni Atty. Alvin Prandy Canta, an Surigao Del Norte Comelec Provincial Election Supervisor nga una sa substitution ni Board Member Galanida kan Mr. Rito Cubillan, nga may napahigayon na nga substitution didto sa lungsod nan Dapa kun diin no-sumite nan statement of withdrawal of candidacy pagka-mayor sa lungsod si kanhi Mayor Yolly Ruaya ug mihulip si incumbent Mayor Peter Boy Ruaya.
Dugang pa sa nasangpit na sa kuman na umaabot na Nobyembre 29 adlawng Huwebes an deadline sa paghulip o pag-subsitution sa mga nahiunang nag-file nan ila mga sertipiko de kandidatura kun COC’s nga nag-desisyon nga mag-withdraw. Paglabay nan Nobyembre 29 hangtod sa tungang adlaw nan piniliay itugot gihapon an paghulip o subsitution kun ma-disqualify o kaha mamatay an kandidato sa kondisyon na pareho an apelyido nan tagpulihan sa mopuli.