DAVAO CITY: Nahitabo sa hingpit ang giingong panagpulong tali nila ni Presidente Rodrigo Roa Duterte ug Moro National Liberation Front Chairman Nur Misuari nganhi sa syudad sa Davao. Nahitabo ang nahisgutang panagpulong sa duha ka mga opisyal sa Matina Enclaves ning syudad diin gihisgutan sa duha ang padayong pagduso sa malungtarong Kalinaw sa Isla sa Mindanao.
Kahinumduman nga sa milabayng buwan, giimbitahan ni Presidente Rodrigo Roa Duterte si MNLF Chairman Nur Misuari alang sa panagpulog human mapasar ang gitinguha nga Bangsamoro Organic Law kun BOL.
Nasayran nga gawas kay Nur Misuari, nakigpulong usab si Presidente Rodrigo Duterte kay Indonesian Ambassador Dr. Sinyo Harry Sarundajang, Dante Ang, special envoy of the Royal Council of the Sulu Sultanate Datu Shahbandar Abdusakur Tan ug mga Mayor sa Sulu.