Davao City – Human ang ngilgig nga disgrasya nga gikalambigitan sa Davao Metro Shuttle ug Bachelor Express nga gikamatay sa pito ka mga pasahero didto sa Kilometro 91 Nabunturan Compostela Valley Province, Gipahamtangan gilayon ug Suspension ang prangkisa sa 34 ka mga Unit sa Davao Metro Shuttle sulod sa 30 ka adlaw.
Kini subay sa Preventive Suspension Order nga gipagula sa Land Transportation Franchising and Regulatory Board Southern Mindanao Region nga dunay case number 2011-00659 ang 34 ka mga Unit sa Davao Metro Shuttle.
Sa pikas bahin, misaka na sa pito ka mga tawo ang kompermadong namatay sa nahisgutang disgrasya niadtong nakalabayng adlaw human nga nagbangga ang usa ka unit sa Davao Metro Shuttle ingon man ang Unit sa Bachelor Express didto sa Kilometro 91 Nabunturan. On the spot nga namatay ang lima ka mga pasahero lakip ang driver sa Metro Shuttle samtang namatay sa ospital si Janet Vicente nga taga Braulio Dujali u gang usa ka Mary Grace Balbuena nga managsamang buntis ang duha ka mga namatay.
Sumala pa ni PO3 Barry Castillo ang Traffic Investigator sa Nabunturan Police Station nga nadala pa sa Davao Regional Medical Center sa dakbayan sa Tagum ang duha ka mga biktima apan gumikan sa grabeng injuries nga ilang naangkon hinungdan nga wala na kini maka agwanta pa ug namatay.