Pondo para sa naantalang pension ng mga retiradong militar inilabas na – DBM

Naipalabas na ng Department of Budget and Management (DBM) ang pondo para sa naantalang pensiyon ng mga retiradong militar at iba pang uniformed personnel.

Ayon sa DBM, may kabuuang P54.23-B ang ipinalabas para sa pensiyon ng mga retiradong kawani ng Armed Forces of the Philippines, Philippine National Police, Bureau of Fire Protection at Bureau of Jail Management and Penelogy.

Una nang naantala ang pagbibigay ng pensiyon ng mga dating sundalo at iba pa dahil sa ilang buwang delay sa pagsasabatas ng 2019 national budget.