31.9 C
Manila
Tuesday, March 19, 2024

Police Nga Nagpaluyo Sa Police Paluwagan Movement Pyramiding Scam, Gitaktak Sa Serbisyo

- Advertisement -

Davao City— Nagpahimangno karon si Davao City Police Office Chief Senior Superentendent Alexander Tagum ngadtu sa iyang mga sakop nga dili mag-apil apil sa bisan unsang matang sa Pyramiding Scheme nga migula karon sa hut-ong sa Kapolisan. Ang pahimangno ni Tagum, gipagula human ang kontrobersiya nga Police Paluwagan Movement didto sa Police Regional Office sa rehiyon Dose nga miresulta sa pagkatakatak sa serbisyo ni General Santos City PNP Director Police Col. Raul Supiter.

Nataktak usab sa serbisyo si Regional Chief Directorial Staff Police Col. Manuel Lukban Jr. lakip ang pipila ka mga kaubanan niini nga giingong maoy nagpaluyo sa pyramiding scam nga Police Paluwagan Movement o PPM nga nagsugod sa Gensan ug mikatag pa sa nagkalain-laing lugar.

Nasayran nga nabulabog ang PPM dihang mipyait na ang mga miyembro nga wala na kadawat sa gipasalig nga 60%-120% nga interest sa kwarta nga ilang gipang-invest nga miabot matud pa og P1.99 billion.

Gawas sa mga pulis, duna ‘sab mga magtutudlo, doktor ug uban pa nga mga propesyunal ang niapil sa PPM nga wala na nabalikan sa nilibo ug minilyon nila nga mga capital kung asa ang uban giingong ila pang gipang-utang. Daghan ang nisalig sa PPM tungod pulis mismo ang nagpaluyo niini ug ang kadaghanan sa mga miyembro pulis ‘sab gani ilang opisina anaa mismo sa ilang kampo.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -