PNP pinag-iingat ang publiko sa pagtaas ng kasong pagnanakaw ngayong papalit ang pasko

Pinag-iingat ngayon ng Philippine National Police (PNP) ang publiko laban sa mga masasamang loob na inaasahang maglilipana ngayong Christmas season.

Ayon kay National Capital Region Police Office (NCRPO) chief Guillermo Eleazar, kalimitan kasing tumataas ang kaso ng mga krimen gaya ng panloloob at pagnanakaw sa tuwing papalapit ang kapaskuhan.

Batay sa datos ng National Capital Region Police Office (NCRPO) nuong 2017, kabilang sa mga lugar na nakapagtala ng may pinakamataas na kaso ng mga krimen sa pagsisimula ng ber months ang Pasig, Makati, Caloocan, Mandaluyong at Valenzuela.

Kaya’t payo ni Eleazar, maging alerto at huwag bigyan ng pagkakataon ang mga masasamang loob na humahanap lamang ng tamang timing.