PNP Gimando-An Ni Mayor Osmeña Nga Dili Mogamit Og “Face Mask” Atol Sa “Police Operations”

by RPN
0 comment
PNP Gimando-An Ni Mayor Osmeña Nga Dili Mogamit Og “Face Mask” Atol Sa “Police Operations”

Gimando-an ni Cebu City Mayor Tomas Osmeña ang Cebu City Police Office (CCPO) nga dili mogamit og maskara atol sa ilang mga “operations”.

Pinasikad sa usa ka “memorandum order” nga pinetsahan niadtong April 4, 2019, gimando-an ni Osmeña ang kapolisan sa dakbayan sa Sugbo nga dili magtago sa ilang kaugalingon pinaagi sa pag sul-ob og “face mask” atol sa ilang mga “operations”.

Gipasabot ni Osmeña nga way rason alang sa kapolisan nga mogamit og mga “face masks” sa higayon nga ipahigayon niini ang “legitimate police operations”.

Gitataw ni Osmeña nga ang paggamit og “face mask” sa kapolisan maghatag lang og sayop nga “impression” nga dili lehitimo ang nahisgutang “police operations”.

Sa samang “memorandum order”, gitataw sa Mayor nga aduna kini “authority” sa pagluwat sa maong kasugo-an subay sa Republic Act 6975 ug Republic 8551. Gipasida-an usab ni Osmeña nga andam kini nga mopahamtang sa “administrative” ug “criminal action” batok sa kapolisan nga dili motuman sa iyang kasugo-an.

Ang “memorandum” ni Osmeña gi-“address” ngadto kang CCPO Director Sr. Supt. Royina Garma. Ang samang “memorandum order” ni Osmeña gipublikar sa mga lokal nga pamantalaan sa dakbayan sa Sugbo.

Related Posts

Leave a Comment