Phone Signal Jam Atoll Sa Nazareno Feast Sa CDO Gipaboran Sa Mayor

by RPN
0 comment
Phone Signal Jam Atoll Sa Nazareno Feast Sa CDO Gipaboran Sa Mayor

CAGAYAN DE ORO CITY- Pabor si City Mayor Oscar Moreno nga wad-an sa signal ang mga telepono o cellphones sa kasaulugan sa kapistahan sa itom nga Nazareno sa syudad sa Cagayan de Oro sa Enero 9 ning tuiga.

Matud sa Mayor, kon kini gikinahanglan sa security sector aron dili mabalda ang kalihokan sa simbahan nga kini nga uyunan.

Apan gipasabot ni Mayor Moreno nga iya pa kinig patun-an ang maong sugyot kon gikinahanglan aron makapangandam ang mga deboto ilabi na kadtong gikan sa nagkalain-laing dapit nga moduyog sa kapistahan sa maong adlaw.

Samtang sa pikas bahin, gisugdan na sa kapolisan ug military ang hugot nga seguridad alang sa kapistahan sa itom nga Nazareno ning syudad.

Gipasabot ni Cagayan de Oro City Police Office spokesperson Police Supt. Mardi Hortillosa nga ang higpit nilang pagpatuman sa seguridad nagtinguha nga dili gayod makasulod nga mga tawong dunay tinguha sa pagsabotahe sa selebrasyon o ang pagpamomba sama sa nahitabo sa mall sa Cotabato City.

Hinuon walay mga kabag-ohan nga ilang gipatuman sa seguridad gawas lamang kon adunay irekomendar ang ubang sector dugtong sa maong Selebrasyon.

Related Posts

Leave a Comment