Philippine Passport hindi maaaring gamiting ‘loan collateral’

Philippine Passport hindi maaaring gamiting ‘loan collateral’

by Powered by DWIZ
51 views

Pinalalahanan ng Embahada ng Pilipinas sa Damascus, Syria ang mga Filipino sa nasabing bansa laban paggamit sa kanilang mga pasaporte bilang collateral sa mga loans o pautang.

Sa ipinalabas na anunsyo ng Embahada, kanilang iginiit na lahat ng ipinalalabas na Pasaporte ng Pilipinas ay pagmamay-ari ng Pamahalaan ng Republika ng Pilipinas at hindi maaaring gamitin bilang collateral.

Batay anila sa Foreign Service Circular Number 2014-99 na ipinalabas noong August 19, 1999 , awtomatikong kanselado ang mga pasaporte na ginagamit bilang collateral para sa mga loans o utang, oras na mai-report ito na nawawala ng may-ari.

Una nang napaulat ang paggamit sa pasaporte bilang collateral ng mga Filipino sa Hong Kong.

0 comment

Related Posts