PHILIPPINE EAGLE FOUNDATION OG PROVINCIAL GOVERNMENT SA SARANGANI MAGPAHIGAYON OG LIBRENG DOCUMENTARY FILM SHOWING SA SINEHAN SA ROBINSONS MALL GENSAN

by RPN News
0 comment
PHILIPPINE EAGLE FOUNDATION OG PROVINCIAL GOVERNMENT SA SARANGANI MAGPAHIGAYON OG LIBRENG DOCUMENTARY FILM SHOWING SA SINEHAN SA ROBINSONS MALL GENSAN

SARANGANI PROVINCE– Nag-uban karon ang Philippine Eagle Foundation (PEF) og ang Provincial Government sa Sarangani isip co-presenter kuyog ang Protect Wildlife og DENR, alang sa mahitabo nga public screening sa kinabuhi sa usa ka pamilya sa Philippine Eagle, alayon kini sa kasaulugan sa ika-21 nga Philippine Eagle Week.

Ang libreng film showing alang sa mga katawhan sa Rehiyon Dose ang mahitabo karon ng Lunes, Hunyo 10, alas singko (5) sa hapon, sa Cinema 2 sa Robinsons Mall Gensan. Mulungtad kinig usa og tunga sa oras nga ultra HD (High Definition) conservation award-winning documentary gitituluhan og “Bird of Prey” nga gimugna sa Cornell Lab of Ornithology, Neil Rettig Productions og Philippine Eagle Foundation.

Dugay ng adunay maayong koordinasyon ang Philippine Eagle Foundation og ang opisina ni Sarangani Governor Steve Chiongbian Solon, partikularminte ang Environmental Conservation and Protection Center (ECPC), tungod sa pag-ayuda sa batang agila nga nakit-an sa lungsod sa Maitum hilabi na sa kalasangang bahin sa Mount Busa atong tuig 2017.

Gibuhian-balik sa lasang ang maong juvenile male Philippine Eagle human kini gipalagsik didto sa Philippine Eagle Center sa Calinan, Davao City. Mismong si Senador Manny Pacquiao ang nagpangalan sa maong agila nga “Sarangani Pride” o SP. Gilihok na ni Governor Solon kauban sila Senador Manny og Congressman Ruel Pacquiao, Sangguniang Panlalawigan og LGUs Maitum-Kiamba nga madeklarang wildlife sanctuary og protected landscape ang Mount Busa.

Limitado lang ang slots nga makapungko sulod sa Robinsons Cinema maong magpalista na sa ECPC Sarangani (09175091337). Wala kini laing katuyuan kundili nga matagaan og kahibalo og impormasyon ang mga kabataan og tibuok residente sa pag-amping og ang kamahinungdanon sa Philippine Eagle sa pagbalanse sa kinaiyahan.

(Photo from the Web)

Related Posts

Leave a Comment