Parmasya Giawhag Nga Ipatuman Ang Pagwagtang Sa VAT Sa Diabetes Ug Hypertension

by RPN
0 comment
Parmasya Giawhag Nga Ipatuman Ang Pagwagtang Sa VAT Sa Diabetes Ug Hypertension

HUGOT karung gipanawagan ni Davao City Councilor Mary Joselle Villafuerte ngadto sa mga parmasya og botika nga ipatuman dayon ang VAT exemption sa mga tambal alang sa sakit nga diabetes ug hypertension.

Ang panawagan sa konsehal subay sa kamanduan sa Bureau of Internal Revenue Regulation No. 25-2018 nga gipermahan niadtong Dec. 21, 2018 nga nalatid sa Tax Reform for Acceleration and Inclusion (TRAIN) nga maoy nagwagtang sa VAT sa mga hypertension, cholesterol, ug diabetes medicines sugod Enero 1 karung tuiga.


Ubay ubay na matud pa ang nireklamo gumikan kadaghanan sa mga nahisgutan ang wala nisunod busa plano ni Villafuerte nga ipatawag ang hingtungdang buhatan sama sa Department of Health, Department of Finance, ug Bureau of Internal Revenue arun sayron kung unsa ang lakang sa mga dili musunod sa regulasyon.

Matud sa konsehal nga dakong tabang ang pagwagtang sa VAT sa mga tambal sa maong mga balatian arun makuha-kuhaan ang kabug-at sa galastuon alang niini.

Related Posts

Leave a Comment