- Advertisement -
Bigo ang mga mambabatas na ihabol ang pagpasa sa P3.7 trillion proposed 2019 national budget makaraang mag-adjourn ang Kongreso para sa isang buwang Christmas break.
Ayon kay Department of Budget and Management (DBM) Secretary Ben Diokno, pumayag na si Pangulong Rodrigo Duterte na re-enacted budget na lamang muna ang gamitin sa unang quarter ng taong 2019.
Ito ang unang pagkakataon sa nakalipas na walong (8) taon at unang beses sa ilalim ng Duterte administration na re-enacted budget ang gagamitin sa operasyon ng gobyerno.
Huli itong nangyari noong panahon ni dating pangulo at ngayo’y House Speaker Gloria Macapagal-Arroyo.
- Advertisement -