Pangulong Duterte hindi magpapatawag ng special session para sa panukalang 2019 national budget

Hindi magpapatawag ng isang special session upang tapusin ng kongreso ang deliberasyon sa P3.7 trillion proposed 2019 national budget.

Ito, ayon kay Department of Budget and Management (DBM) Secretary Benjamin Diokno, ay alinsunod sa hiling ng Senado lalo’t huling sesyon na kahapon ng Kongreso upang magbigay daan sa Christmas break.

Magbabalik sesyon naman ang mataas at mababang kapulungan ng Kongreso sa Enero 14.

Una ng ibinabala ni Diokno na may peligrong hatid sa ekonomiya kung magkakaroon ng reenacted budget.