CAGAYAN DE ORO CITY – Pangdakpon na sa dili Madugay ang naglangkob sa kontrobersyal nga Freeman Traders Club o FTC nga nalambigit sa online investment gamit ang plotous coins ning dakbayan. Kini human ubay-ubay ng nga kasong syndicated estafa na ang napasaka sa National Bureau of Investigation o NBI batok sa grupo ni FTC founder Mark Steven Freeman sa piskalya ning dakbayan.
Miingon si NBI Regional Director Atty. Patricio “Pipo” Bernales nga anaa pa sa 50 ka investors ni Freeman ang nagagikan sa syudad ug sa gawas sa Northern Mindanao, ang midangop sa ilang opisina aron ipaabot usab ang reklamo.
Una nga gikompirma sa government regulatory bodies sama sa Security and Exchange Commission, Department of Trade and Industry, Bangko Sentral ng Pilipinas, Bureau of Internal Revenue ug mismong sa City Hall nga way permit nga naglihok ang FTC ning dakbayan.