Ang Leadership Skills Development & Women Entreprenuership Seminar natigayon niadtong Marso 21, 2019 sa usa ka inilang kan-anan ning dakbayan sa Surigao nga gipaluyohan ug gipa-siugdahan sa Chairman sa Committee on Agriculture & Agrarian Reform; Cooperative Development & Accreditation ug sa Economic, Affairs, Trade, Commerce & Industry nga si Hon. Melva Garcia.
Sumala pa sa nasangpit nga bokal nga gipahigayon kini ug ang tumong ug tuyo mao nga mapalapdan pa ang iyang adbokasiya sa pagtabang sa mga kababayen-an nga mamahimong maayong lider sa komunidad ug labaw sa tanan ang maong aktibidad usa ka seminar unsaon nga ma-enganyo nga mamahimong usa ka negosyanteng lider sa komunidad ug dili lamang mag-agad sa binulang suhulan.
Sa maong higayon adunay mensahe ang Provincial Governor sa Surigao Del Norte, Gov. Sol Matugas nga misaysay sa ka-bililhon sa papel sa mga kababayen-an. Ang maong kalahian sa estado sa karon ug sauna nga matud pa ang kapasidad sa mga kababayen-an susama na isab sa mga kalalakin-an ilabi na sa natad sa politika nga ubay-ubay ang mga babayeng opisyal sa kabarangayan.
Ang maong kalihokan gitambungan usab sa Cooperative Development Authority nga gipangunahan ni Ms. Annabelle Madrio ang CDS II, CDA, PGSDN. Anaa usab ang DTI Regional Director sa probinsya sa Surigao Del Norte Director Celestino Negapatan ug ang Provincial Governor sa Eastern Mindanao PCCI, Ms. Concepcion Paqueo.