Palarong Pambansa Nga Gipahigayon Sa Syudad, Malampuson

by RPN
0 comment
Palarong Pambansa Nga Gipahigayon Sa Syudad, Malampuson

Davao City– Gumikan sa hugtanong seguridad sa dakbayan dugang ang pagpakatag sa nagkadaiyang security Personnel, nagmalampuson ang dili pa lamang dugay Palarong Pambansa 2019 sa Dakbayan. Kini ang gikomperma ni Davao City Police Office Director Alexander Tagum atol sa gihimong pakighinabi sa mga sakop sa tigbalita sa syudad.

Nasayran ang bag-uhay pa lamang nga Palarong Pambansa, mao ang labing dako nga Sports Events nga gihimo sa syudad nga gisugdan niadtong nakalabayng Abril 28 nga gipasiugdahan mismo ni Presidente Rodrigo Roa Duterte isip Guest of Honor samtang natapos ang nahisgutang event niadtong sabado nga gihimo sa Davao City- UP Mindanao Sports Complex sa Barangay Mintal ning syudad sa Davao.

Nasayran gikan sa Police Regional Office XI nga mokabat sa kapin 4 mil ka mga participating units gikan sa Security, Safety and Emergency Preparedness Response Components sama sa PRO XI, Task Force Davao, Regional Mobile Force Battalion XI, Bureau of Fire Protection, Criminal Investigation and Detection Group XI, Philippine Drug Enforcement Agency XI, Philippine Coasguard, Central 911, Maritime Group XI ug Police Auxillairy.

Sumala pa sa Lokal nga Kagamhanan sa syudad, dul an sa kapin 15 mil ka mga delegadong magdudula lakip ang mga magtutudlo ug mga ginikanan ang mitambong sa Palarong Pambansa gikan sa 17 ka Rehiyon sa tibuok Nasud. Pinasubay sa Final Result sa usa ka semana nga Palarong Pambansa, anaa lamang sa ika 11 nga spots ang Davao Region Athletic Association kun DAVRAA nga diin ang National Capital Region Athletic Association ang Overall Champeon sa Palarong Pambansa.

Related Posts

Leave a Comment